منتديات كرويتات نت

رجعتي لي تناديني بماضي حبنا المهجور=بعد ما ضاعت اسنينك وبستانك ذبل زهره
بعد ما جنة احلامك تهاوى قصرها المعمور=وتهتي في غياهب ليل لا نجمه ولا قمره
رجعتي لي بإحساسك تنادي قلبي المغدور=على بالك تصحي به غرام(ن) مات من صغره
غرام(ن) كان بيدينك .. حفرتي له مئات قبور=دفنتيه بقبر ظلمك ورفض يتحمله قبره
رجعتي لي مع دمع(ن) تناثر كنه البلور=دموع(ن) تحرق عيونك على خدك غدت جمره
تناديني ... تغنيني ... وودك هالزمان يدور=ونرجع مثل ما كنا حبايب نحفظ العشره
ولكن لو رجيتيني ... زمانك ما بقى له دور=زمانك شيدك قصر(ن) .. رحلتي .. إنهدم قصره
زمانك نسخه من طبعك وطبعك بالقسا مشهور=تربعتي على عرشه ونلتي بالقسا شهره
زمانك يسبه الإنسان .. ما يشبع وفيه غرور=زمان من الخيال اغرب وانا محتار في أمره
احاسيسك كما طفل(ن) حزين ويدعي بسرور=حزن وتخالطه فرحه فرح وتخالطه حسره
وعدتيني مع حبك اعيش بدنيتك مسرور=تحبيني و تغليني ... تصونيني مثل دره
ومن عينك طلع فجر(ن) لهالدنيا يزف النور=شعاع(ن) في الدجى يسري يبدد ليلي وبدره
وانا في روعة المنظر أضيع بروعتك مسحور=احاول أوصفك فكره ... ولكن تفشل الفكره!
لان المشهد اتغير ... بدأ جوك علي يثور=بدأ صيفك علي يطغى يذوب ثلجي من حره
وفجرك صار في لحظه يزف الحب صوب قبور=قصفتي عالمي كله بجوه ... بره .. وبحره
هجرتيني .. نسيتيني .. تركتي خاطري مكسور=لجل ذاك الذي غرك بكثرة ماله وقصره
اذا هو راسمك زهره .. فانا قلبي زرعك زهور= سقيتك صافي احساسي وسقاك بدفتره حبره
كتب لك في رسالة حب كلام(ن) ما تعدى سطور=ورسم لك بآخر الصفحه قلوب(ن) طافت العشره
وانا لي قلب متمرد .. رفض يبقى معي مأسور=تركني وراح ليدينك عسى تهتمي لأمره
قطع مني شرايينه وصار بدنيتك عصفور=يرفرف في بساتينك وانتي تحفري قبره
رحلتي والسبب فقري .. تريدين الذهب وقصور=تناسيتي محبتنا بعد ما اهداك من عطره
صحيح اني فقير الحظ .. ولكني غني شعور=عزيز وعزتي طيبي .. كريم إحساس بالفطره
وفي(ن) الوفا طبعي .. وطبعك بالجفا مشهور=تعرفيني واعرفك زين وكل(ن) عارف(ن) قدره
مدام اني فقير(ن) ليه رجيتي هالزمان يدور= ونرجع مثل ما كنا حبيايب نحفظ العشره
غرامي كان بيدينك .. حفرتي له مئات قبور=واذا هالقلب بيسامح .. تري ما يسامحك فقره

تقبل تحياتي اخي الكريم