محمد عبده ألبوم محتاج لها بجودة السيدي Cd Q Mp3

محمد عبده ألبوم محتاج لها بجودة السيدي Cd Q Mp3

جميع الأغاني بروابط مباشرة ومن سيرفر منتدى كرويتات نت وبجودة عالية

محتاج لها

محتاج لها .. تروي حياتي بهمسها
هيَّ الحياه .. بالنِّسبه لي
بحلوها وبمرَّها .. محتاج لها
* * * * * *
لاشفتها .. قلبي خفق .. وعمري نطق
ردَّدت .. بنشوى إسمها ..
وآخذني فوق .. هذا الَّلي خذته مِنَّها
أمشي بشوق .. وأحكي بشوق ..
وأسكت ... بشوق
دايم أخايل رسمها ..
هيَّ الحياه .. بالنِّسبه لي
بحلوها وبمرَّها .. محتاج لها
* * * * * *
محتاج لها .. تقول ياعمري .. تعال
وتاخذني في جنح الخيال ..
وأطير .. مِن فرحتي أطير
يادنيتي .. أطير
ما أبغى شي .. كافي علَّي
كِلمة أحبِّك .. بالعدال
هيَّ الحياه .. بالنِّسبه لي
بحلوها وبمرَّها .. محتاج لها
كلمات / بدر بورسلي
الحان / د . عبدالرب إدريس
للتحميل

لك حق تزعل

لك حق تزعل ثم لك حق نرضيـك
ما أقوى زعل حبيب قلبي وعينـي
مادام قلبي يا أريش العيـن مغليـك
أطلب ولك روحي ومافـي يدينـي
لاتنشغل مالك وزيـنٍ يضاهيـك
أبيك أنا لو كـان غيـرك يبينـي
يوم الله أحسن صورتك خصِّني فيك
فيك الجمال وصادق الحب فينـي
شِعري يزين بوصف زينك وطاريك
والخدِ مـن ممشـاك فيهـا تزيـنِ
أوَّل غناتي صوت الأشواق يدعيك
وآخر غناتي شقِّ صـدري حنينـي

كلمات / خالد الفيصل
الحان / محمد عبده
للتحميل

جيتك حبيبي

جيتك حبيبي معترف بخطَاي
صافي النِّوايا والعذر ويَّاي
صوبك خذتني لهفة الخاطر
ما أمهلتني أنتظر باكر
إحكم على ماتشتهي و آمر
الأمر بيدك سيِّدي والراي
* * * * * *
عطني الأمان وإقبل معاذيري
صمتك ذبحني وشل تفكيري
رِستْ بي عِنْد بابك مشاويري
يالَّلي بعيونك راحتي ومرْسَاي
* * * * * *
بَسِّك عِناد ماجاني يكفيني
زعلك تعبْني وش بقى فيني
إن كان ذا قصْدِك تجازيني
يكفي حبيبي قد خذيت جزاي
كلمات / يوسف ناصر
الحان / د . عبدالرب إدريس
للتحميل

عشاق النصيحه

عذلوني فيك عُشَّـاق النَّصيحـه
ونشدوني عنك طرفيـن الحكيَّـه
إن شكيت من الهوى قالوا فضيحه
وإن سِكت إستنقضوا جرحي عليَّه
واعذابي كان لي نفـسٍ صحيحـه
خيِّـرت مابيـن صـدَّك والمنيِّـه
إن نويت البُعد ضاقت بي الفسيحه
وإن بغيت القُرب خان القُرب فيِّـه
كيف أبخفي الحُب وجروحي صريحه
كيف أحجب الشَّمس ياخلِّي بأيديَّه
كيف أداوي عِلَّة الـرَّوح الجريحـه
وين أودَّي دمعـة العيـن الشقيِّـه
كيف أداوي عِلَّة الـرَّوح الجريحـه
وين أودَّي دمعـة العيـن الشقيَّـه
من عذلني في الهـوى الله يبيحـه
ومن عذرني ماحصل منَّي خطيَّـه

كلمات / بدر بن عبدالمحسن
الحان / محمد عبده
للتحميل

من بادي الوقت

من بادي الوقت هذا طبع الايَّامِ
عذبات الايَّام ماتمـدي لياليهـا
حلو الَّليالي تواري مثل الأحـلامِ
مخطور عنَّي عجاج الوقت يخفيها
أسري مع الهاجس الَّلي مابعد نامِ
وأصوِّر الماضي لنفسي وأسلَّيهـا
أخالف العمر أراجع سالف أعوامِ
وأنوَّخ ركاب فكري عند داعيها
تدفى على جال ضوَّه بارد عظامي
والماء يسوق بمعاليقي ويرويهـا
إلى صفالك زمانك علِّ ياظامـي
إشرب قبل لايحوس الطَّين صافيها
الوقت لو زان لك ياصاح مادامِ
ياسرع ماتعترض دربك بلاويهـا
حتَّى وليفك ولو هيَّم بك هيـامِ
سيَّور الايَّام تجنح بـه عواديهـا

كلمات / خالد الفيصل
الحان / محمد عبده
للتحميل

ايوه

أيَّوه قلبـى عليـك التـاع
مايحتمـل غيبتـك ليـلـه
وعـســاه مـايـرتـاع
عليـك يانافـل ٍجيـلـه
لبَّيه يابـو عيـون وسـاع
ماغيـرك أحـدٍ ألبَّـي لـه
القلب مِـن يمَّكُـم نـزَّاع
لو حاولوا صعـب تحويلـه
معذور لو صِرت بك طمَّاع
من حُبَّكـم مالنـا حيلـه
مانيب مِـن عاذلـى سمَّـاع
والله مـا أقطـع مواصيلـه
مِن لام راعى الهوى خـدَّاع
سيَّور الايَّـام تبـدى لـه
ماضاع عمرى معك لو ضاع
ما أنـوح لا وأغنَّّـي لـه
سلَّمت لك خافـق ٍجـزَّاع
عساك يازيـن تـاوي لـه

كلمات / خالد الفيصل
الحان / محمد عبده
للتحميل

لتحميل الالبوم بصيغه rm


البوم - محتاج لها

سماعاً ممتعاً

مشكور وما قصرت

مشكوووووووووووور يا ولد العز ويعطيك ألف عافية على ما تقوم به من أجل المنتدى.........

مرحباً يالغالي تحياتي لك

مرحباً يالغالي تحياتي لك ومشكووووووووووور

مشكوووووووووووور

الف الف شكر على جهودك