اكيد اغلبكم سمع عن هذي الاشاعة

ايوة اشاعة

يمكن هذي الثالثة على حسب علمي الي طلعت على محمد عبده

اليوم وانا رايح انام الساعة تقريبا 5 او 6 المغرب

جاني اتصال من واحد (الله يسامحة) :

انا : الو

س(من الناس): كيف حالك ***** مالك نايم ؟؟

انا : هلا حبيبي لا والله بس خلاص شوي واطفيء

س(من الناس):كيف الجو عندكم وكيف حال ××××

انا : والله الجو يمشي و***** ماشي حاله

س(من الناس):سمعت الخبر ؟؟

انا : اي خبر ؟؟!!

س(من الناس):محمد عبدة

انا : ايشبه ؟ اعتزل مرة ثانية ؟؟

س(من الناس):عطاك عمرة ......

انا : اقول ماني فاضيلك تراني بالمرة تعبااااااااااااااااااااااااان

س(من الناس):والله العظيم

انا : يارجال ؟؟ ...متى الكلام ذا ؟؟

س(من الناس):والله البارح وسمعته من الشباب سمعوه من اهلهم في جواز ويقلك حتى المطربة
لما سمعت الخبر سكتت(تبغى تسوي دقيقة حداد )

انا : يالله يالله يالله باي ......انا بأتأكد واكلمك مرة ثانية

س(من الناس):ترا اسمع انا ماني متأكد

انا : حلوة ماني متأكد .............تقول الرجال مات ومو متأكد ؟؟!!

س(من الناس):المهم انا سمعت وقلت اكيد عندك خبر او سمعت شيء

انا : المهم انا بأشوف واعملك call سلام

ومن داك الوقت وانا افكر معقولة ؟؟!! الله يرحمه ويغفرله

واترزع عند التلفزوين واخش النت واسأل الناس

الى ان اكتشفت انا الخبر كللللللللللللللللللللله اشاعه

طيب ليش ؟؟

وعشان ايش ؟؟

هل غياب الفنان محمد عبده فترة عن الساحة سبب قي هذي الاشاعه ؟؟

ولا الناس صارت متعودة انه كل اسبوع في شيء؟؟؟

ولا ناس فاضية ماعندها شيء قالوا خلونا نتسلى ونكدب على فلان

وهذا الفلان مايقصر يروح يقول لفلان وفلان يقول لـس(من الناس) وهذا يقلي

وهكذا

انا عارف اني طولت عليكم بس صراحة الخبر فاجعه كان بالنسبة لية ويمين بالله الى الان

عيوني مانامت

وعلى فكرة الخبر انتشر في جيزان بقووووووووووووووووة

مع انه في جدة كل مأسأل حد يقلي :ياشيخ (يعني ماسمع )







يعني وصلت انهم يموتوا الناس ياهووو ؟؟


مااقول غير الله يطولنا بعمرك يابو نورة

الموت حق على الكل
سواء اشاعه او لا فساعتي وساعتك وساعة كل الاعضاء الحلوين بالمنتدى وساعة محمد عبده كماان

لن تتأخر او تتقدم عن ميعادها

ولن تتأثر بأي اشاعه


نصيحه ابعد عنك هذه الافكار بكره تسمع اشياء كثيره وحقيقيه وبتقول اشاعه

لك شكري

الحمدلله انها اشاعة ....شكراً لك
يعطيك الف عافية ايها الرائع

تحياتي : كبير القوم

الموت نهاية الجميع فنسأل الله حسن الخاتمة جميعاً

مجنون الخوية والزعيم شايفيني

معترض على حكمة ربي ؟؟؟

ياجماعة الموت علينا حق واحنا ناس مسلمين ولا نقدرننكر الشيء ذا

ولكن لما تشيع بوفاة شخص والرجال حي يرزق اعتقد انه انت وهو حايكون لكم ردة فعل غاضبة

طيب يارجال خليك مكان احد من عياله ولا اقاربة ولا اصحابة وسمعت الخير ذا ...................!!

وفي النهاية اشكركم على ردودكم

كبير الفوم

مشكور على مرورك