
سايق الخير
سايق الخير ساقك يمِ عاشـق جمالـك
لو تأخَّرت أبصبر لو هي ألفيـن عـام
أسفرت وأنورت من يوم شعشع هِلالك
فـزِّ قلبـي لِفـزك ياظبـيَّ الـعـدام
أنزل القلب وآمـر مابـه إلاَّ حلالـك
أشهد إنَّه حظيظ الَّلي غدا لـك مقـام
مايسد بمكانك غيـرك أحـدٍ بدالـك
بانيٍ لك قصـور وبانـيٍ لـك خيـام
عقب رمضا زماني جيت أدوِّر ظلالـك
بل ريقي بقربك عقبِ طـول الصَّيـام
كلِ شيٍ تبسَّم يـوم لامـس دلالـك
وكل نارٍ كوتني مِنك صـارت سـلام
كلمات/ خالد الفيصل
الحان / محمد عبده
=====
فكرة
ياهلا فكرةٍ حنَّت وحـنَّ القصيـد
المزون المِشاعـر والسحايـب أنـا
ياقديم المودَّه مرحبـاً بـك جديـد
رد فيني شعورٍ كنت أظنَّـه فنـى
ولَّع الشَّوق جمره والهقـاوي بعيـد
وأعرف إنَّي أعيشك في غيابك سنه
إلتوى بي غرامك صِرت عاشق عنيد
مايهـزَّه كـلام ولايـردَّه عنـا
أنهَلَ الحُب عمرٍ والعُمـر مايزيـد
ماتفيد الحسوفه لين ضـاع الهنـا
أصعبَ العُمر لِلعاشق نهاره وحيـد
لين وقَّف وناظر في الهوى وش جنى
ياحبيبٍ نسيته بين قلـب ووريـد
في خفوقي مِشاعر والكِتابـه أنـا
كلمات / سعود بن عبدالله
الحان / محمد عبده
=======
لو تخليت
لو تخلَّيتِ وش لي بالحيـاه أرتجيـه
لو تخلَّيت ماعنَّك خفوقـي تخلَّـى
والله إنَّك ملكته ثـم تربَّعـت فيـه
ومال غيرك حبيبي وسطِ قلبي محـلَّ
ياهَناه وعذابه كيف تِقسـى عليـه
كيف طاوعكِ شِعرك بالمِشاعر تِسلَّى
لاتِجنَّى تراك الَّلـي حبيبـه يبيـه
ولاتزيده تراه مـن الغرابيـل مـلَّ
إنتِ فرْحه وجرْحه وإنتِ مايمتنيـه
وإنتِ مضنون عينه لو عليكم تِغلَّى
كلمات / نجديه
الحان / محمد عبده
======
معك التحيه
معك التحيَّـه يانسيـم الجنـوبِ
ضم بحنـانً ليَّـن العـود ثـلاَّب
بالهون ضمَّـه يالطيـف الهبـوبِ
لاتزعج عيونٍ شكت طول الاهداب
تلقاه واقف بيـن هـاك الـدَّروبِ
في هضبةٍ ياما تناجى بهـا احبـاب
تراه مـن بـدَّ العـذارى لعـوبِ
يضحك مع ضحكه سروقٍ للألباب
في ضحكته لحن الغـرام الطَّـروبِ
في مسمعي لحنه على البعد ماغـاب
يشهد على ما اقول قلـبٍ تعـوبِ
قلبٍ غدا به سيد أهل نجـد نهَّـاب
كلمات / خالد الفيصل
الحان / محمد عبده
=======
يا حبيب الروح
ياحبيب الرَّوح عنَّي لاتـروح
شور لاتِترك حبيبك نور عينك
من يحبَّك غصب لَك سِرَّه يبوح
تِرجمانه دمعتـه بينـه وبينـك
المحبَّه ماتِجي فـي كـلِّ روح
الله الَّلي حطَّها لَك في ظِنينـك
ياحبيبي شوفِتك تِشفي الجروح
ياطبيبي جعلها تبطي سنينـك
لو طِعت أشواق قلبي ماتـروح
مير مِن كثرة ظروفك عاذرينك
دوك برق الشَّوق في قلبي يلوح
ورف يجافن رفِّة الَّلي في يدينك
كلمات / برق الحيا
الحان / محمد عبده
======
يا سحايب
ياسحايب سراة أبها تعـدَّي شمـال
واستعيري دموعي سيِّلي كل وادي
غطَّي أرض الحبيِّب بالنَّدى والجمال
مثل ماهو منـدَّي بالمحبَّـه فـؤادي
أرعدي ياسحابه فوق هاك التـلال
صوِّري له حنيني عقب طول البعـادِ
ولِّعي ياسحابه بالسِّما كـل جـال
مثل ما اشعل فؤادٍ فيه قدح الزِّنـادِ
مير أشوف التسلِّي عن هواه استحال
وقِّفي ياسحابه حِمل الأشـواق زادِ
دوك عيني وقلبي دوك بعض الخيـال
دوك كلِّي تبعتك مابقى لـي قعـادِ
كلمات / خالد الفيصل
الحان / محمد عبده