LinkBack URL
About LinkBacks
يا صاح
ياصاح أنا قلبي مـن الحـب مجـروح
جرحٍ عطيـبٍ مالقـى لـه مـداوي
لو ينشـرى قربـه شرينـاه بالـرَّو ح
مير البلا شوفـه غـدا بـه هقـاوي
أهلِّ دمعٍ فـوق الاوجـان مسفـوح
على الَّلذي ماهـوب للهجـر نـاوي
أنا ادري إنَّه مثلـي اليـوم مطـروح
لاشـك مايقـوى ولانـي بـقـاوي
لولاي اداري سرَّ الاحبـاب لابـوح
وابيـع بيعـات الهبيـل الـفـداوي
لكنِّي اجحد فيه عـن كـل مفضـوح
خوفٍ عليه مـن الحكـي والدَّعـاوي
حسبي على الَّلي حط في الدَّرب ساموح
العـاذل الَّلـي جـر كـل البـلاوي
مـن اوَّلٍ بـاب المواصيـل مفتـوح
يـوم إن عـذَّال المـودَّه خــلاوي
واليوم سدَّ الباب لـوحٍ علـى لـوح
وامسيت أنا ياصـاح قلبـي شقـاوي
كلمات / خالد الفيصل
الحان / محمد عبده
====
ردي سلامي
حبيبتي ..
ردَّي سلامي لِلهوى .. عذب السَّلام ..
وأغلى الأماني وللأمل .. كلمة ملام ..
قولي له إنَّي ماهقيت ..
إنَّي لانحت وشكيت ..
تِرجع ليالينا سوى شوق وغرام ..
* * * * * *
سنين .. مرَّت وما أدري عن الايَّام ..
يقولوا تفرَّق الأحباب ..
وأنا أقول القمر ماغاب ..
من أول يوم تواعدنا ..
أثاري الوقت يخدعنا ..
ويبعد عنَّنا الأحلام ..
قولي له إنَّي ماهقيت ..
إنَّي إلى نحت وشكيت ..
تِرجع ليالينا سوى شوق وغرام ..
* * * * * *
حبيبتي يانظر عيني ..
أشوف الَّليل مابينيك .. وبيني
وكل النَّاس ..
أحس في نظرتك معنى ..
ودربٍ كان يجمعنا على الإحساس ..
قولي له إنَّي ماهقيت ..
إنَّي لانحت وشكيت ..
تِرجع ليالينا سوى شوق وغرام ..
كلمات / بدر بن عبدالمحسن
الحان / محمد عبده
====
سوالف الشوق
الشَّوق كلِّ الحكي لو قلت أبحكي لك
سوالف الشَّوق تلهب قلبي الظامـي
أشتاق أشوفك وتاخذني مواصيلـك
لأكثر من العِشق وأكثر مِن مدى أيَّامي
تغيب .. تحضر معاليقي تنـادي لـك
يامتلفي هاك باقي جرحـي الدَّامـي
أهواك تنطق بها عيـنٍ تراعـي لـك
ويصوِّرك موقها بصحوي وأحلامـي
أغرب مِن الشَّوق في قصِّة غرامي لك
يتلفني الشَّوق حتَّى وإنـتِ قدَّامـي
كلمات/ همس
الحان / تراث
====
كلمت والصوت
كلِّمت والصَّوت مبحوح الحُروف
صمتها ونَّه وفـي الونَّـه حَكـي
وِدَّها تِشكي وتِشرح لي الظُّروف
والحَيـا عيَّـا عليهـا تِشتِكـي
لين أنا حلَّفتها بذيـك الحُلـوف
قلت قولي لي دخيلك إيش بـكِ
قالت وتوصف خجلها والكُسُوف
قالوا العُـذَّال وافهـم ياذكـي
قلت في قلبي بنا حُبِّـك رُفـوف
اترِكي حكي العَـواذِل اتركـي
قالت منِّ النَّاس ما أشعُر بخـوف
ودِّي أسمع مِنك وأعرِف مسلكي
قلت حُب النَّاس لو يجمَع بجـوف
مايجي لو رُبـعِ إحساسـي بـكِ
لو رِمال البحر وأمواجَه حُـروف
وصف حُبِّك مايعبِّر بُـه حكـي
كلمات / خالد بن يزيد
الحان / محمد عبده
====
كفاني عذاب
كفاني عذاب الله يجازيـك بأفعالـك
جرحت الضَّمير ولا طرا لك تِداويني
مريـض المحبَّـه داه ودواه بوصالـك
ألا كيف تبخل وإنت نظرتك تشفيني
ألا واعذابي كيف ماعاد يهنـا لـك
سوى إنَّك تشوف الموت بإيديه يطويني
أنا يوم أحبِّك ماتصـوَّرت غربالـك
ولاقد خطر في بالـي إنَّـك تجافينـي
تفرَّغت لك ياساكن القلب بلحالـك
تقل غيرك من النَّـاس ماهـم بحيِّيـنِ
أنا قمت أناجي بين الأحلام مرسالك
وزولك حبيبي لو بالأحلام ناسينـي
كلمات / خالد الفيصل
الحان / محمد عبده
رد مع اقتباس
المشاركة الأصلية كتبت بواسطة عسف العناد
المفضلات